 |
||
|
Last Moyo |
||
|
||
|
Amasiko
yinsika Gcinani
amasiko enu Vunulani
imvunulo yenu Bongani
amakhosi akwenu Sinani
imigido yakwenu Xoxani
ngendimi zakwenu Amasiko
ayikugxila kwemibono yenu Indimi
zenu Indonga, injabulo, lempumelelo zesizwe sakwenu Olahle amasiko ulahle konke Olahle imvunulo yakhe ulahle konke Imigido, izingoma, inkolo, konke ! Amasiko yimbali amasiko yikusasa Abensundu sihlanganiswa zindubeko zethu Ukuswela lokudabuka emoyeni yethu Kodwa lanxa inhliziyo zethu zibomvu gebhu Silenjabulo lanxa sisidla ingqwqwe zemilomo yethu
Zikhulule Zikhulule ukhululeke wena Zikhulumele
uzikise amalungelo akho wena Zimele wena Zihlome
izikhali akekho ozakwesula izinyembezi wena Uyintandane
wena ngakho zimele wena Awuboni
yini, awuboni ngani? Nxa kulendlala
egumeni iqala ngokuhwaya wena Nxa kulempi
egumeni iqala ngokutshabalalisa usendo lwakho wena Lanxa kulezibucubu
ekhaya awuzi bona Ha uyintandane
wena! Bayakutshaya baqale bona ukuhlengezela
izinyembezi Bayalibulala baqale bona izililo Baphephisane,
baxolisane, baholisane, bathabisane
Abombangazwe sebazithol’ izimali zabo Abamapulazi
abangelamadolo sebezithola imali zabo
Wena ingane zakho zatshabalala
Wena abazali bakho batsha batshabalala Kodwa
watholani?
Zikhulule ukhululeke wena
Zikhulumele uzikise amalungelo akho wena
Zimele wena
Thula
Sizwe Thula
Sizwe Thula
uthulisise ngizwe Laf’ilizwe Nkululunkulu
baba siphe usizo Zulu
sabulalana sodwa sibangani? Kanti
makhosi empumalanga lihlolani? Yebo
ubukhosi luluju ncindani Kodwa
ngitsho lamawele embuzi amunya etshiyelana Pho
kini kungabe kwalani? Thula
Sizwe Thula
uthulisise ngizwe Laf’ilizwe Nkululunkulu
baba siphe usizo Bangaki
asebesitshiyile ngendaba zombuso welizwe? Kuthiwa
umhlabathi ebantwini kodwa uthango lona lusidla amakhomane Hatshi bo laf’ elihle ngobumenemene! Yahamba iZimbabwe ngobuNkemenkeme! Zul’omuhle ingane zakho zisabalele iziphepheli ziswe’luzwelo Kanti labo Mbeki labo baswela lembeko behutshuza amanga Thetha
Sizwe Thetha
uthethisise ngizwe Laf’ilizwe Nkululunkulu
baba siphe usizo Kodwa
bona bepepetsha ukusa kwamalanga Hee
izibuko zaboBhejani oSatane zitshengisa ingilosi! Kanti
uZulu esifa ngendlala eswela ngitsho lohayezi Thetha
ngithethisise bezwe Laf’ilizwe Nkululunkulu
baba siphe usizo Saphela
isizwe
Maye
babo saphel’ isizwe! Maye
mdali zahamb’insizwa Nkulunkulu
baba siphe usizo Sekubanda
phansi kutshise phezulu Izingane
labadala waphel’ uZulu Hlom’
uhlahl’ amehlo njengokhozi Unanzelele
uZulu angakugxob’ ikhonzi Phela
inyosi ingakuluma itshiya udonsi Wafela
ebunandin’ uZulu njengenyosi Umkhuhlane
ubuyile izingane ziphelile Abazali
baphelile intandane zibhahile Mfowethu
bambelela kongowakho Dadewethu
dlalela egumeni lakho Baba
umthande umkakho ebe ngowakho Isikhathi
sokuguqula izenz’ imbi kulamuhla Nxa
kusehlula lokho wodliwa ngumuhlwa Qaphela
uqaphelisise Vula
amehlo ukhangelisise Maye
babo saphel’ isizwe! Yinsindabaphenduli Wagebha
igodi ngolimi isimbo usisolani? Udla
umcaba ngonyawo ukhezo ulusoleni? Wadlela
esambuzini emkulwini ukusolani? Uncinda
ingcekeza uluju lukhona kambe ulusolani? Wakhonya
wagomela ngoGumede Ncube ungabe uhlolani? MaNkomo
wabubula kwathophela ngomaMoyo ugila mkhubabani? Mthwakazi
lindaba yinsindabaphenduli Ngitsho
lenkosi uMzilikazi yaswela impendulo Imizwa
ungayivumela iyokutshiya ezihlahleni Ingqondo
ungayivumela yokushiya emahlathini |
||
|
||
|
Inkiwane ebomvu Sikubhema sitshiyelana sengani ngumhlanga wegwayi, Sikuphuza siqhubelana sengani butshwala benqayi. Udliwa utshiyelwana sengani ngumuthi wamazinyo, Ubuhlungu sonke soze sife kungekho lokwaziyo. Usile okwesiqoqodo uyitshaya emuva uyitshaye phambili, Kuwe qhalaqhala lendlela kayibuzwa lakwabaphambili. Uyaxamalaza usixeganisa loxolo ngeke waluthola leZulwini Uyaqaphelisa besuqomisisa uyazikhotha emhlane yini? Mina sithutha ngitshumayezwa ngitshelwe ngothando olungapheliyo, Ngoba ungeza isiphofu isithutha esingaboniyo, Ubabakazi wakho kakulayanga awazi lokuthi akukho okungapheliyo. Umuzi ngeke wawakha ngemizwa yakho le engelaphekiyo. |
||
|
||
|
||
|
||
|
||
|
|
||
 |
 |